Bókakoffort

Bókakoffortin eru komin aftur!

Við erum með bækur fyrir yngri börnin 2-4 ára sem er staðsett í fataherbergi Teigakots og annað fyrir þau eldri 3-6 ára sem er staðsett á Háteig.
Í Háteigskoffortinu eru nokkrar bækur á spænsku og pólsku, endilega kíkið á þær, þær eru fyrir 2-6 ára börn 🙂

Við minnum einnig á að mikilvægt er að skrá nafn barns og bókar þegar þið fáið lánaða bók og merkja við þegar þið skilið.

Útlánsreglur eru einfaldar:

  • Hvert barn má hafa tvær bækur heima í einu.
  • Útlánsími er mest ein vika.
  • Þegar bók er fengin að láni á að skrifa útlánsdag, nafn barns og bókatitil í stílabókina sem staðsett er við koffortið.
  • Þegar bókinni er skilað aftur skal strikað yfir nafn barnsins.

Skipulagsdagur 15. september

Á morgun 15. september verður lokað hjá okkur í Teigaseli vegna skipulagsdags starfsmanna.

Dagurinn verður notaður í að deildarnar munu undirbúa vetrastarfið í þaula. Eftir hádegi verður sameiginlegur fundur Teigasels, Vallarsels og Garðasels þar sem starfsfólk leikskólanna fær kynningu á þróunarverkefni um læsi sem allir leikskólarnir fjórir fengu styrk frá Akraneskaupstað til að vinna sameiginlega að. Einnig mun Bergrós Ólafsdóttir talmeinafræðingur vera með fyrirlestur sem fjallar um „Lestur fyrir börn“. Fyrirlesturinn er gott upphafsinnlegg inn í læsisverkefni leikskólanna þar sem lestur fyrir börn er afar mikilvægur til að efla málþroska barna.

 

Afmæli leikskólans

Í dag höldum við upp á 19 ára afmæli Teigasels.

Af því tilefni verður andlitsmálning í boði fyrir þau börn sem vilja. Um kl.9.45 safnast síðan allar deildir saman í garðinum þar sem sunginn verður afmælissöngur, og við munum flagga áður en haldið verður af stað í litla skrúðgöngu um miðbæinn. Í hádeginu verður boðið upp á dýrindis pizzu að hætti Möggu ogHelgu Guðnýjar pítsugerðar meistara 🙂